Chella ricchezza se chiamma tiempo

Views: 6 - Views e voti dal 14 agosto 2026.

CHELLA RICCHEZZA SE CHIAMMA TIEMPO

Donn’Arturo guardaporta e pueta ,
nu juorno e buonu omore,
screvette chisti vierze,
miscanno ‘e vierze e duje tre puete,
facennese na bella resatella,
screvette quanne segue.

Quanno pe’ mme sarrà ‘o mumento,
pe’ favore nun chiagnite,
facite cunto ca mme so’ abbiato
ma vuje comodamente,
ve ne venite quanno vuje vulite,
dint ‘a stu paraviso ca nun è cchjù bello,
do paese bello addo so’ nato.

Ve pozzo dicere ca ccà
campamme tuttu quanne aunite,
senza sta a penzà si è vierno o està,
pecchè prubleme de vestite nun ne tenimmo
chille se putranno pure tarlà,
pecchè ‘o munno a verità ,
annure stammo a cammenà.

‘O tiempo è lento assaje a passà ,
ma si ve guardate areto v’accurgite,
ca nun se sta maje a fermà,
ma comme è pe’ mme ccà,
accussì è pure pe’ vuje,
pirciò nu sciupate manco nu mumento.

Quanno pure vuje venite ccà,
nun voglio verè lacreme ,
dint’a ll’uocchje de nisciuno e vuje,
ije mme stongo arrepusanne ‘e ccervelle,
pirciò faciteme verè ,
sulo quacche resatella.

Abbiateme a cuntà duje fattarielle
ije mme sento meglio si ve veco allere,
ccà nun se soffre cchjù,
de lacrime nisciuno s’arricorda cchjù,
però mo’ nu mme cercate ,
cchjù e chello ca putenne v’aggio dato.

A chistu munno a verità ,
de ricchezze nun se ne sta a parlà,
a nuje niente nce sta a mancà,
nuje simmo ricche e niente,
ma tenimmo chillo ca ‘o munno maje apprezzarrà,
chella ricchezza se chiamma tiempo!!

Lettere che potrebbero interessarti

Categorie: - Cultura e Spiritualità